I 1940 vart bedehuset vigsla til kyrkjeleg bruk og fekk då namnet bedehuskapell. Det vart bygd på ein kordel med sakristi på nordsida. I 1983 var det bygd på nytt inngongsparti med våpenhus og eit lite klokketårn.
Bedehusforeininga som har teke ansvar for å skaffe pengar til huset vart starta i 1956.
Altartavla er frå 1940 og er måla av prost Sigurd Folkestad. Motivet på tavla er "Jesus som gartnaren i vingarden."
Preikestolen er frå 1913 og mest truleg bygd av byggmeisteren Gerhard Folkestad.
Døypefonten av tre er frå 1940 og er laga av Johannes Hovland.
Orgelet som er plassert framme på venstre side av kyrkjeskipet, har fem stemmer og er kjøpt i 1994 og er levert av Venheim Orgelbygg.
Kyrkjeklokka er frå 1914, O. Olsen & Sønners Klokkestøperi. Innskrift: Salige er den døde, som dør i Herren".
